Frk Flørt ♥

Slenger meg med på Anne si Frk Konkuranse…Lenge sidan sist deltaking, så når eg hadde ein passande missekandidat liggjande, så vart freistinga stor:o)

Anne har kvar månad ein uhøgtideleg blomstermissekåring, og det er berre å hive seg med for den som vil:o)

Min kandidat til Frøken Haustblomst er Frøken Flørt!! Ho står så uskuldeg ute i bedet, og utsondrar freistande lukter for Herr Humle. Stakkaren vert jo aldeles berusa av dei uimotståelege duftene, og mest utan at han veit ordet av det har han landa på Frøken Flørt. Ho smigrar og strekkjer seg, og ubevisst byrjar han å sanke nektar. Han briskar seg litt og gjer seg til, men no når hans misjon er ved vegs ende er og interessa over. Ho føyser seg litt og vaiar litt i vinden, så han har ikkje anna val enn å lette. Flørten er over for hans del…Ho har retta auga mot neste kandidat, og litt småbetutta flyg han sakte vidare. Forkasta utan heilt å skjøne kva som skjedde;o)

      

Stikk innom Moseplassen for å beundre fleire missekandidatar eller evt melde på ein flott kandidat sjølv!!

God helg alle saman :o)