I dag har det vore “one of those days”…Ein slik dag ein skulle ynskje seg eit sett ekstra av både hender og føter… Fyrst fekk vi melding om frivilleg trening for Fredrik i gymsalen, noko han gjerne ville vere med på. John tok han med opp, men skulle ikkje nedatt. Eg måtte i gang med kakebaking til basaren på grendahuset. Fekk kaka i ovnen og heiv meg i dusjen…fekk melding om at treninga snart var over. Berre å hive seg i bilen og hente han. Nedatt og sjekke at Rakel såg skikkeleg ut, få kaka ut av ovnen. Jage Fredrik i dusjen…Rakel og meg i bilen…kome oss opp på kyrkjelydshuset der det var basar og 25 årsjubileum for kyrkjelydshuset. Koret som Rakel er med i skulle debutere for publikum. Dei var kjempeflinke til tross for litt premierenervar:o) Ved ei passande anledning var det berre å trekke seg tilbake…heim å pynte kake…så bar det vidare på grendahusbasar her hos oss!!
Då vi var ved vegs ende, bar det heimatt…kom på at her hadde det vel ikkje vore skikkeleg matinntak sidan frukost. Berre ein ting å gjere, sette i gang med middag. No er nydeleg steinbitmiddag inntatt(oppskrift kjem på matbloggen etterkvart)
Snart skal ungane i seng, ho mor skal innta sofaen med beina høgt…fotball surrar på tv`n *sukk* Ja , ja eg har no heldigvis ei nystarta bok som eg kan kose meg med:o)
Ynskjer alle som er innom ei fin, ny veke!! KLEM LINE:o)
Reknar med at snøen kom like brått på småfuglane som på meg…dei var i alle fall raskt på plass når meisbollane vart heng ut i dag tidleg:)
Lykke for meg å nyte synet av kvitrande småfuglar, og lykke for småfuglane at nokon huskar på dei…Dette må vel kallast ein vinn-vinn situasjon?
Ynskjer alle som er innom ein strålande torsdag!! Her er det FULL vinter….KLEM
Onsdag og tid for himmelske bilder att:)
Slik såg toppen av Storehesten ut i dag. Eit flott syn med sola som skin på den kvite snøen på toppen. Himmelen er blå så langt auget rekk, og då satsar vi på at snøen berre held seg der oppe i dag!! Ser på facebook og høyrer at det har vore snø veeldig mange plassar i vårt langstrakte land, så foreløpig føler eg meg priviligert som berre kan nyte den som utsikt;o)
For fleire himmelske innlegg, klikk deg inn HER!! Ynskjer alle ein strålande onsdag…Med eller utan snø:o)
Litt tidlegare i haust fekk vi tilbod om å overta ein sengebrisk frå svigerinna og svogeren min. Dette var jo sjølvsagt ikkje eit tilbod ein kunne takke nei til…
Vi avgjorde ved hjelp av demokrati at denne kunne Fredrik få. Sidan dess har den stått på vent i garasjen, då den nye eigaren ynskte å ha den i svart. I forrige veke tok eg meg endeleg på tak. Fekk kjøpt svart bengalakk glansgrad 90, og dermed var det berre å sette i gang:o)
Pussa lett over med fint sandpapir og vaska med salmiakkvatn. Valgte å ikkje grunne sidan bengalakk sit veeldig godt.
To strøk var det som skulle til. Senga vart svart, blank og fin…og eigaren er superfornøgd:o)
Ungane mine er på fjelltur…Når dei kom på toppen av Sygnefjellet ringte dei for å seie HEI!! Eg tusla ut på tunet med kameraet
…og her er dei!!
Noko uklare og kornete bilder…Men med tanke på at eg står på tunet og ungane er på toppen av fjellet så er eg likevel ganske fornøgd:o) Då er det vel ingen veg utanom…eg må ut att til malingsspannet *sukk*
Ha ein fin dag alle, klem…
.JPG)
