I blåbærskogen

I dag fann eg og mi gode venninne Tone ut at det var ein passande dag å reise på blåbærplukketur på. Vi smurde med oss niste, pakka sekkane og hoppa i støvlane, klare for nokre timar i skogen. Turmåla er mange,men denne gangen enda vi opp oppe på Hestad. Svigerfar min har hytte med god tilvekst av blåbær kring den. For ikkje å snakke om det attraktive vatnet rett nedanfor. Ungane kosa seg med å plukke blåbær rett i munnen, kaste stein og fange småfisk i vatnet, samt klatre i trea. Vi voksne fekk og nokre flotte timar med god prat og fulle blåbærboksar. For ikkje å gløyme ei lang og god matpause med sandwichar, frukt, saft og kaffe. Ein spanande edderkopp traff vi og på vår veg...