Plommer i bøtter & spann:))

I dag har eg vore så heldig å fått plommer, masse plommer av Svigermor!!

Eg er både overvelda og glad, for no skal det syltast, lagast likør og frysast...

Men først og fremst tenkte eg at vi kunne gjere noko ut av plommefesten i dag, så eg laga plommepai(for første gong), og inviterte vener på kaffibesøk. Vi har hatt ein triveleg ettermiddag, og plommepaien smakte fortreffeleg..

Oppskrifta er som fylgjer:
PLOMMEPAI:

Botn:

60 gram mjuk margarin

2 1/2 dl kveitemjøl

1 dl melis

100 gram kesam

Fyll:
1 liter plommer
1 1/2 dl sukker

2 egg

2 dl matfløyte

2 ts vaniljesukker

Smuldre margarin og mjøl. Bland i melis og kesam og kna saman til ei smidig deig. Forsteik botnen på 200 grader i 10 minutt. Avkjøl.

Fjern plommesteinane, og legg plommer tett i tett i paiforma. Dryss på litt sukker. Visp saman resten av ingrediensane og slå over plommene.

Steikast på 180 grader i 45 minutt.

Serverast lunka med vaniljekrem eller vaniljeis.

Slenger med oppskrift på ei vanvittig god eplekake og...

EPLEKAKE:

125 gram margarin

1 dl mjølk

2 egg

2 1/4 dl sukker

3 dl kveitemjøl

2 ts bakepulver

2 epler i båtar(norske er best)

Egg og sukker piskast til eggedosis. Margarin og mjølk kokast opp og slåast varmt over i eggedosisen. Sikt i mjøl og bakepulver.

Takast over i ei smurt 24 form, og fordel eplebåtar på toppen.

Settast i kald omn, temperatur 200 grader i ca 30 minutt.

BON APETIT!!!